أنا عندي مشكلة وحبة آخد رأيكم فيها وأتمنى أنكم تلاقولي
حل ليها..
أنا ألتحقت بمدرسة إعدادي بالصف الثالث وأتعرفت على أصحاب كتير
والحمد لله ومن ضمن أصحابي كانت ليه صديقة عزيزة وكان ليها أخت أصغر منها بسنتين
يعني لما كنا تالته كانت هيا أولى إعدادي..
وأتعرفت عليها وصرنا أصحاب..
بس المشكلة إني لاحظت أن البنت دى اخت صحبتي بتحبني زيادة عن اللزوم
ودايماً تبعتلي رسايل وهدايا وتكتب على الدسك بتاعي بحبك
وتوقع بعاشقة شيماء..
أنا مش عرفة أعمل إيه؟؟
مع أني مش بحب آخد عن حد أي فكرة وحشة او أظن ظن مش كويس
إلا لما اتأكد..
وأنا كنت دايماً أسأل أختها إيه لازمة الرسايل دي والهدايا
صح إحنا أصحاب بس مفيش داعي للحجات دي..
وكانت ترد طيب البنت بتحبك أعملها إيه؟؟
وأخدت رقم موبايلي وعلطول إتصالات ومسجات
وأنا مش عرفة أقول لها إيه؟؟
خايفة أقول حاجة تضايقها أو تجرحها ودة مش طبعي وأنا دلوقتي
تانية ثانوي ومش عرفة أعمل إيه..
فرجائي تكونوا جمبي وتقدمولي النصيحة بما أنكم زي أخوتي وأكتر كمان..
وتقبلوا فائق الحب والإحترام..
